ಕೆನೆ ಪದರ

ಭರವಸೆಯ ಬಾವನೆಗಳು ಭಾರವಾಗಿ
ಬಾಡಿದೆ ನಿನ್ನ ಮುಖ
ಕಮರಿಹೋದ ಕನಸುಗಳಿಗೆ ಭಾವುಕವಾಗಿ
ಕಪ್ಪಿಡುತಿವೆ  ಕಣ್ಣುಗಳು

ಅಕಾಲಿಕೆಯ ಅಗಲಿಕೆ ಅಕ್ಕರೆ
ಆತ್ಮ ದಿಂದ
ಇಂಚು ಇಂಚಾಗಿ ಕರಗುತಿದೆ ಮಾಗಿದ
ಮನಸುಗಳು

ವಾಸ್ತವಿಕ ಬದುಕಿನಲಿ ಛಲದಿಂದಿರುವರು
ನೀನಿರುವೆಯೆಂದು 
ಹೆಚ್ಚಾಗಿ ಸಹಕರಿಸಲಿ ಉತ್ಸಾಹದ ಕನಸುಗಳು
ಧೃತಿಗೆಡದಿರಲೆಂದು


ಮಡಿದ ಮನಸಿಗೆ ಮನಶಾಂತಿ ಕೊಡುವುದೇ
ಮಮತೆಯ ನಿನ್ನ ಆಕ್ರಂದನ
ಅವರ ಅಶಾ ಮಾರ್ಗಗಳಿಗೆ ಬೆಳಕಾಗು 
ನೀ ಕತ್ತಲೆಯ ಕಾರ್ಮೋಡ ಕವಿಯಬೇಡ

ನಿಷ್ಟೆ ಇಲ್ಲದ ಅನಿಷ್ಟ ಪದ್ದತಿಯಿಂದ ಎಳೆಯ
ಪ್ರಾಣಕೆ ಸಂಚಕಾರ ತಂದವರು
ಮರೆತು ಬಿಡು ಜೀವನದ ಜೊತೆ ಚೆಲ್ಲಾಟ ಆಡುವವರನ್ನು
ಆ ದೇವರಿದ್ದಾನೆ ಅವರ ವಿಧಿಯಾಟವಾಡಲು

ಬೇಸಿಗೆಯಲಿ ತರಗೆಲೆಗಳು ಉದುರಿದ ಹಾಗೆ
ಕಳಚಿ ಬೀಳಲಿ ನಿನ್ನ ಕಹಿ ನೆನಪುಗಳು
ನವ ವಸಂತಕೆ  ಹೊಸ ಋತುವಿನ  ಹಾಗೆ
ಮೂಡಲಿ ಸಿಹಿಯಾದ ಕಲ್ಪನೆಗಳು 


ಹರಿದು ಬಿಡು ಹಳೆಯ ಮುಸುಕಾದ ತೊಗಟೆಗಳನ್ನು
ಕನವರಿಸು ಸಾಧನೆಯ ಹಾದಿಯನ್ನು
ತೊರೆದು ಬಿಡು ಇಚ್ಚೆ ಇಲ್ಲದವರ ಸಂಬಂಧವನ್ನು
ಧೈರ್ಯದಿಂದಿರು ಗೆಳೆತನ ಜೊತೆಗಿರುವುದೆಂದು

ಅಕ್ಕರೆಯ ಅಪ್ಪ,ಅಮ್ಮ ಅವರಿಗೆ ಸಕ್ಕರೆಯ
ಸವಿಯಾಗು
ಹಾಲಿನಂತ ಶುಬ್ರ ಮನಸುಗಳಿಗೆ ರಕ್ಷಣೆಯ ಕೆನೆ ಪದರವಾಗು

ಏಕಾಂಗಿ

 

 

ಬೇಡವೇ ಬೇಡ ಬಂದುಗಳ
ಸಂಬಂಧಗಳು

ಈ ಬಂಧನವು  ನನಗೆ  ನುಂಗಲಾರದ
ತುತ್ತುಗಳು

ಸದಾ ಮನಸಿಗೆ ನೋವು ಕೊಡುವ
ಆ ಚುಚ್ಚು ಮಾತುಗಳು

ಸಹಿಸಲಾರೆನು ಈ ಸಂಬಧಗಳ
ಸಂಕೋಲೆಗಳನ್ನು

ಅದಕ್ಕೆಂದೇ ನಾ ಬಯಸಿದೆ
 ಏಕಾಂಗಿತನವನ್ನು .