ಹುಡುಗಾಟ

ಯೌವನದ ಅಲೆಯಲ್ಲಿ
ಮೋಜಿನಾಟ

ಬಾವನೆಗಳ ಮಿಲನಕೆ
ಹುಡುಕಾಟ

ಎಳೆಯ ಹೃದಯಗಳ
ಜೊತೆ ಚೆಲ್ಲಾಟ

ಮನಸಿನ ತುಮುಲಗಳ

 ಜೊತೆ
 ನಿರಂತರ  ಹೋರಾಟ

ಇದುವೇ 

ಪ್ರೀತಿ ಎಂಬ
ಮಾಯೆಯ ಹುಡುಗಾಟ

ಮೊಳಕೆ

ಭಯದ ನೆರಳಿನಲಿ
ಪ್ರೀತಿಯ ಮೊಳಕೆ
ಮಧುರ ಮಾತುಗಳೇ ಮಂಜಿನ
 ಹನಿ ಚಿಗುರಿಗೆ

ಪ್ರತಿಯೊಂದು ಎಲೆಗಳೇ
ಸುಂದರ ಸ್ವಪ್ನಗಳು
ಸಹನೆ ಸಂಯಮವೇ
ಗಿಡದ ಬೆಳವಣಿಗೆ

ಆತ್ಮ ವಿಶ್ವಾಸ ,ನಂಬಿಕೆಯ 
ಪ್ರತಿಫಲವೇ ಹೂವು
ಸಂದೇಹ,ಅನುಮಾನಗಳೇ
ಹಾಳು ಮಾಡುವ
ಕ್ರಿಮಿ ಕೀಟಗಳು 

ಬೇಡಿಕೆ

ನಿನ್ನ ಮನಸಿನಲಿ ಪ್ರೀತಿ
ಮುಕ್ತವಾಗಿದ್ದರೆ
ನನ್ನ ಬಾವನೆಗಳನ್ನು
 ಹಂಚಿಕೊಳ್ಳಬಹುದೇ

ಪುಟ್ಟ ಹೃದಯದಲ್ಲಿ ಸ್ವಲ್ಪ
ಸ್ಥಳವಿದ್ದರೆ
ಪ್ರೀತಿಯ ಸೌಧವ ಕಟ್ಟಬಹುದೇ

ಅನುರಾಗದ ಲೋಕದಲ್ಲಿ
ಪುಷ್ಪದಂತಿರುವೆ
ದುಂಬಿಯಾಗಿ ಮಕರಂಧ
 ಹೀರಬಹುದೇ

ಏಕೋ ನಿನ್ನ ನೆನಪಲ್ಲಿ 
ಮನ ಮಿಡಿಯುತಿದೆ
ಪ್ರೀತಿಯ ಬೇಡಿಕೆ ಮಂಡನೆ
ಮಾಡಬಹುದೇ

ಮನಸೋ ಇಚ್ಚೆ ಹಾಡುವ
ನಿನ್ನ ಹಾಡಿಗೆ
ಪಲ್ಲವಿ ನಾನಾಗ ಬಹುದೇ ...?

ಹಾಫ್ ಟೀ,ಹಾಫ್ ಪ್ಲೇಟ್ ಉಪ್ಪಿಟ್

ಅಪ್ಪ ನೋಡಿದ್ ಅಮ್ಮ ಗೆ ಇಡ್ಸೋಲ್ಲ
ಅಮ್ಮ ಹೇಳಿದ್ ಅಪ್ಪ ಒಪ್ಪೋಲ್ಲ
ಇವರಿಬ್ಬರು ನೋಡಿದ್ ನಮಗೆ ಸೇರೋಲ್ಲ

ಪ್ರೀತಿ ಮಾಡಿದವಳು
ಕೈ ಕೊಡ್ತಾಳೆ
ಕೈ ಹಿಡಿದೊಳು ಬೇರೆ ಮನೆ
ಮಾಡು ಅಂತಾಳೆ

ಅತ್ತೆಗೆ ನಾನು ನನ್ ಮಗ
 ಎಂಬ ಆಹಂಕಾರ
ಸೊಸೆಗೆ  ನನ್ ಗಂಡ
ಎಂಬ ದುರಹಂಕಾರ

ಇವರಿಬ್ಬರ ಜಗಳ ನೋಡಿ
ಮಾವ ಮಠ ಬಿಟ್ ಮನೆ ಸೇರೋಲ್ಲ
ಮಗ ಬಾರ್ ಬಿಟ್ ಎದ್ದೆಳಲ್ಲ

ಹುಡುಗಿ ನೋಡೋಕ್ ಹೋಗಿ
ಇರೊ ಅರ್ಧ ಗಂಟೇಲಿ
ಹಾಫ್ ಟೀ,ಹಾಫ್ ಪ್ಲೇಟ್ ಉಪ್ಪಿಟ್
 ತಿನ್ನೋದ್ರೊಳಗೆ
ಅರ್ಧ ಜೀವನ ಜೊತೆಗೆ ಬಾಳೋಲ್ನ
ಹೇಗಪ್ಪ ದೇವ್ರೇ
ಅರ್ಥ ಮಾಡ್ಕೊಳೋದು ?

ಅನಾಥರು

 

 

 

ಬಿದ್ದೆವು  ನಾವು ಬೀದಿ ಬೀದಿಗಳಲ್ಲಿ
ಯಾರೋ ಮಾಡಿದ ತಪ್ಪಿಗಾಗಿ
ಬೆಳೆದೆವು ನಾವು ಜೊತೆ ಜೊತೆಯಾಗಿ
 ಒಡಹುಟ್ಟಿದವರಂತೆ
ನಿರಾಶ್ರಿತರ ಕೊಳಚೆ ಪ್ರದೇಶಗಳಲ್ಲಿ .

ಬಿಕ್ಷೆ ಬೇಡಿದೆವು ಮನೆ,ಮಾರ್ಕೆಟ್ ,ಬಸ್ಸು
ರೈಲು ನಿಲ್ದಾಣಗಳಲ್ಲಿ
ಬಿಡಿಗಾಸಿನಿಂದ ತುತ್ತು ಅನ್ನಕ್ಕಾಗಿ 
ಖುಷಿ ಇಂದ ತಿರುಗಾಡಿದೆವು ಮದುವೆ
ಮೆರವಣಿಗೆ,ಸಮಾರಂಭಗಳಲ್ಲಿ
ಎಂಜಲೆಲೆಯ ಮೃಷ್ಟನ ಭೋಜನಕ್ಕಾಗಿ 

ಅಪ್ಪ ಅಮ್ಮನ ಪ್ರೀತಿ ತೋರುವರು ಒಂದು  ದಿನದಲ್ಲಿ
ಶ್ರೀಮಂತರು ಸಮಾಜದಲ್ಲಿ
ತಮ್ಮ ಗೌರವ ಘನತೆಗಾಗಿ
ಹುಟ್ಟಿದ ದಿನವೇ ಗೊತ್ತಿರದ ನಾವು
ಸಂಭ್ರಮಿಸಿದೆವು
ಸಿಹಿ ತಿನ್ನುತ ಬೇರೆಯವರ
ಜನ್ಮ ದಿನಕ್ಕಾಗಿ

ಹಿಂದಿಲ್ಲ , ಮುಂದಿಲ್ಲ ಯಾರ ಹಂಗಿಲ್ಲದ
ನಮಗೆ ನಾವೇ ಸ್ವತಂತ್ರರು
ನೊಂದ ಜೀವವು ಧಣಿದು ಮರುಗಿದಾಗ
ಯಾರಿಲ್ಲದ ನಾವು
 ಬದುಕಿನಲ್ಲಿ ಅತಂತ್ರರು

ಸಂಬಂದಗಳ ನಿಂದನೆಯ ಮಾತುಗಳಿಲ್ಲ 
ಬಂದುಗಳ ಜೊತೆ
 ಹರಟುವ ಒಡನಾಟವಿಲ್ಲ 
ಅನಾಥರು ,ತಬ್ಬಲಿಗಳು  ಆಪ್ತರು ನಮಗೆಲ್ಲ
ಪ್ರೀತಿಯ ಒಗ್ಗಟ್ಟಿನಲ್ಲಿ ಬಿರುಕಿರುವುದಿಲ್ಲ

ಬದುಕನು ಕಟ್ಟುವ ಯೋಚನೆ ನಮಗಿಲ್ಲ
ಹಾಯಗಿರಲು ನೆತ್ತಿಯ ಮೇಲಿನ
 ಸೂರಿಗೆ ಕೊರತೆ ಇಲ್ಲ
ಕೆಲಸದಲ್ಲಿ ಮೇಲು ಕೀಳೆಂಬ ಬೇಧ ಬಾವವಿಲ್ಲ
ಸುಖವಾಗಿರಲು  ಹೀಗೆ
 ಬದುಕಿನ ಬಂಡಿ ಸಾಗುತಿದೆಯಲ್ಲ

ಚಂಚಲತೆಗೆ ಕೈ ಜೋಡಿಸಿದವರು ಕೆಟ್ಟ
ಚಟಕ್ಕೆ ಬಲಿಯಾಗುವರು
ಕಳ್ಳತನ,ಕುಡಿತ,ಮೋಜು ,ಜೂಜಾಟಗಳಲ್ಲಿ
ಸ್ಥಿರ ಮನಸಿಗೆ ತಲೆ ಬಾಗಿದವರು
ಸುಖದ ಸೌಧವ ಕಟ್ಟುವವರು
ಹೆಂಡತಿ ಮಕ್ಕಳ ಸಂಸಾರದ ಜೀವನದಲ್ಲಿ..

ಪ್ರೀತಿಯ ನೆನಪು

ನೀ ನನ್ನ ಜೊತೆಗೆ ಇರಲಿ
ಇರದಿರಲಿ
ನಿನಗಾಗಿ ನನ್ನ ಜೀವ
ಎಂದೆಂದಿಗೂ
  ಮಿಡಿಯುವುದು

ನಿನ್ನ ನೆನಪಿನನಲ್ಲೆಯೇ
 ಬದುಕುವುದು
ಎಂದಾದರು  ಒಂದು ದಿನ
ನಿನ್ನ
 ಮನಸಿನಲ್ಲಿ
 ನನ್ನ ಪ್ರೀತಿಯ ನೆನಪು
 ಬರಬಹುದು

ಅಂದೇ ಮುಕ್ತಿ  ನನ್ನ
ಪ್ರೀತಿಗೆ
 ನೆನಸಿಕೊ ನನ್ನನು
ಕಣ್ಣುಗಳನ್ನು ಮುಚ್ಚಿ
ಮನಸನ್ನು ಬಿಚ್ಚಿ
ಎಲ್ಲಿದ್ದರು ಹೇಗಿದ್ದರೂ
ಬರುವೆನು
ನಿನ್ನೆಡೆಗೆ ಬಾಳಿನ ಎಲ್ಲಾ
ಬಂಧಗಳನು ಮುಚ್ಚಿ  

ಕನ್ನಡಿ

 ಮನಸು ಒಂದು
ಕನ್ನಡಿ
ಬಾವನೆಗಳು ಅದರ
ಪ್ರತಿಬಿಂಬ

ಮನಸು ಒಂದು
ಹಸುಗೂಸು
ಅದರ ಬೆಳವಣಿಗೆ
ನಮ್ಮ ಪರಿಶ್ರಮ

ಈ ಎರಡು ಕೈ  ತಪ್ಪಿದಾಗ 

ಒಡೆದರೆ
 ಜೋಡಿಸಲಾಗದು
ದಾರಿ ತಪ್ಪಿದರೆ
 ತಿದ್ದಲಾಗದು