ಕಪ್ಪು

ಮೋಡ ಕಪ್ಪಾದಾಗಲೇ
ಮಳೆಯು  ಭೂಮಿಗೆ  ಚುಂಬಿಸುವುದು

ಕಾಡಿಗೆ ಕಣ್ಣಂಚಲಿ ಕಂಡಾಗಲೇ
ಕಣ್ಣಿನ ಅಂದ ಹೆಚ್ಚುವುದು

ರಾತ್ರಿಯಲಿ ಕತ್ತಲು ಅವರಿಸಿದಾಗಲೇ
ಬೆಳದಿಂಗಳ ಸೊಬಗು ಕಾಣುವುದು

ಕಲ್ಲಿದ್ದಲು ಕಾದು  ಕೆಂಪಾದಾಗಲೇ
ಚಿನ್ನ ಕರಗಿ ಅಭರಣವಾಗಿ ಆಕರ್ಷಿಸುವುದು

ನೋಡಿದವರು  ಕಪ್ಪಗಿದ್ದರೆನಂತೆ
ನೆಡೆ,ನುಡಿ, ನೋಟವೂ  ಕಪ್ಪಿರುತ್ತದೆಯೇ ?

ಮುಖದಲ್ಲಿ ಬಣ್ಣ ಕಮ್ಮಿಯಾದರೆ
ಅವರ ಲಕ್ಷಣ ,ಮನಸು ಮಾಸಿ ಹೋಗಿರುವುದೇ?

 ಬಣ್ಣಕ್ಕೆ  ಮಹತ್ವ ಕೊಡುವುದಾದರೆ
ವ್ಯಕ್ತಿಯ ಬಾವನೆಗಳಿಗೆ ಬೆಲೆನೇ ಇಲ್ಲವೇ ?