ಪುನರಾಗಮನ

 

ಬಾಡಿದ ಮನಸಿಗೆ
ತುಂತುರು
ಮಳೆ ಹನಿ
ಬಿದ್ದಂಗ್ ಅಯ್ತು
ನಿನ್ನ
ಪುನರಾಗಮನ .!

ಹೃದಯದಿ ಪುನಃ
ಪ್ರೀತಿಯ
ಕೃಷಿ
ಶುರುವಾಗಿ
ಹಸಿರಾಗುವುದೇ
ನನ್ನ ಜೀವನ .!!

ಕಾಯುತಿರುವೆನು

ಪ್ರಿತಿಸಿದವಳು
ಮರೆಯಾದಳು
ಸ್ವರ್ಗದಿಂದ
ಕರೆ ಬಂದಿತೆಂದು !

ಅವಳ
ನೆನಪಲ್ಲೇ
ಕಾಯುತಿರುವೆನು
ನನಗೂ  ಆಹ್ವಾನ
ಕಳಿಸುವಳೆಂದು !!

ಹೃದಯ

ಸೂರ್ಯನ ಕೆರಳಿದ ಕಿರಣಗಳಿಗೆ 

ತಾಗದಂತೆ ಎದೆಯಲ್ಲಿ
ಇಟ್ಟು ರಕ್ಷಿಸಿದೆ ನಿನ್ನನು

ಛಡಿ ಮಳೆಯ ರೌದ್ರ ನರ್ತನಕೆ
ನೆನೆಯದಂತೆ ನಡೆಸಿದೆ ನಿನ್ನನು

ತಂಡಿ ಚಳಿ ಗಾಳಿಗೆ ,ಮಂಡ
ಬಿರುಗಾಳಿಯ ಸುಳಿಗೆ
ಸಿಲುಕದಂತೆ ತಡೆದೆ  ನಿನ್ನನು

ಗುಡಿ ಗೋಪುರ ಕಟ್ಟದಿದ್ದರು
ಪೂಜೆ ಪುನಸ್ಕಾರ ಮಾಡದಿದ್ದರೂ
ಮನಸಾಕ್ಷಿಯ ಮಂತ್ರದಿಂದ ಆರದಿಸಿದೆ

ಹರೆಯದ ವಯಸ್ಸಿನಲ್ಲಿ  ಹುಚುಕೊಡಿ
 ಮನಸು ಚಂಚಲ ಬುದ್ದಿಗೆ
ಬಲಿಯಾಗಲು ಬಿಡಲಿಲ್ಲ ನಿನ್ನನು

ಪ್ರೀತಿಗೆ ವಿಶ್ವಾಸದಿಂದ ,ಸ್ನೇಹಕೆ
 ನಂಬಿಕೆಯಿಂದ
ಸಂಬಂದದಿ ಅನುಬಂದದಿಂದಿರಲು
ಕಲಿಸಿದೆ ನಿನ್ನನು

ನಿನ್ನ ಆಸೆ ನನ್ನ ಕನಸಿನಲಿ  ನಿರಾಸೆ
ಮನಸಿನಲಿ
ಸುಖ  ನನ್ನ ಆನಂದ ಬಾಷ್ಪದಲ್ಲಿ  ದುಃಖ
ಕಣ್ಣಿರಿನಲ್ಲಿ
ನಿನ್ನ ತುಡಿತ ನನ್ನ ಬಡಿತದಲ್ಲಿ ಮಿಡಿತ
  ನಾಡಿಗಳಲ್ಲಿ

ನೀ ಕಾಣದಿದ್ದರೂ
ನಿನ್ನ  ಬಾವನೆಗಳನು ನನ್ನ ಮುಕದಲಿ
ತೋರ್ಪಡಿಸಿದೆ

ನೀ ಸದಾ ಬಡಿಯುತಿದ್ದರೆ ಮಾತ್ರ
ನನ್ನ ಜೀವನಕೆ ಶಕ್ತಿ
ನೀ ಮೌನಕೆ ಶರಣಾದರೆ  ಅಂದೇ
ನನ್ನ ಸಾವು ಕಟ್ಟಿಟ್ಟ  ಬುತ್ತಿ 

ಉಡುಗೊರೆ

ಗೆಳೆತನದ ಜೊತೆ
 ಮಂದಸ್ಮಿತ
ಪ್ರೀತಿಯ ಜೊತೆ
ಗೌರವ
ಬಾವನೆಗಳ ಜೊತೆ

 ಸ್ಪಂದನೆ
ನಂಬಿಕೆಯ ಜೊತೆ
ಆತ್ಮವಿಶ್ವಾಸ
ನಿನ್ನ ಮುಗ್ಧ ಮನಸಿನ ಜೊತೆ
ನಾನು
ನನ್ನ ಸ್ನೇಹಕಿಂತ
ಮಿಗಿಲಾದ
ಉಡುಗೊರೆ ಬೇಕೇನು ?

ನನ್ನ ಆತ್ಮದಲ್ಲಿ

ನಾ

ಇಲ್ಲದಿದ್ದರೂ ನೀನೆರುವೆ

ನೀನಿಲ್ಲದಿದ್ದರೆ ನಾ ಎಲ್ಲಿರುವೆ?

ನಿನ್ನ ಮೇಲಿರುವ ಪ್ರೀತಿ

ನನ್ನ ಹೃದಯದ ಗೂಡಿನಲ್ಲಿ

ಅದು ನೀ ತಿಳಿದರೂ ನೀನಿಟ್ಟೆ

ನಿನ್ನ ಕಾಲಡಿಯಲ್ಲಿ

ನಿನ್ನ ಹೆಸರನ್ನು ನನ್ನ ಉಸಿರಲ್ಲಿ

ಸದಾ ಹಸುರಾಗಿಸಿದೆ

ನನ್ನುಸಿರು ಹೋಗಿ ಮಣ್ಣಲ್ಲಿ

ಸಣ್ಣ ಕಣಗಲಾದರು

ಅಚ್ಹಳಿಯದೆ ನಿನ್ನೆಸರಿದೆ

ನನ್ನ ಆತ್ಮದಲ್ಲಿ

ಅರ್ಧಾಂಗಿ

ಕನಸಿನಲಿ ಕಂಡು
 ಮನಗಿಡಿಸಿದವಳು
ನನಸಾಗಿ ಬರುವಳೇ..?

ಕಣ್ಣುಗಳು ಕಾತುರದಿಂದ
ಕಾಯುತಿವೆ
ನಮ್ರತೆಯ ನಿರಾಭರಣ 

ಬಾಲೆಯನು

ಹುಡುಕುತಿಹ ಜೀವಕೆ
 ನನ್ನ ಮುಗ್ದತೆಯ
ಮನಸೇ  ಕಾರಣ

ಸಿಕ್ಕ ಮರು ಕ್ಷಣವೇ ನಮ್ಮ
 ನಂದ ಗೋಕುಲಕೆ
ಸಂತೋಷದ ಹಸಿರು ತೋರಣ

ನನ್ನ ಮನಸಿಗೆ 

ಮುಡುಪಾಗಿ
ಬಾವನೆಗಳಿಗೆ ಆಕರ್ಷಿಸುವ
ಗೆಳತಿಯಾಗಿ

ಈ ಹೃದಯದ ಬಡಿತಕ್ಕೆ
ಸ್ಪಂದಿಸುವವರು
ಯಾರು ಬರುವರೋ
 ನನ್ನ "ಅರ್ಧಾಂಗಿ"ಯಾಗಿ..?

ಹುಡುಗಾಟ

ಯೌವನದ ಅಲೆಯಲ್ಲಿ
ಮೋಜಿನಾಟ

ಬಾವನೆಗಳ ಮಿಲನಕೆ
ಹುಡುಕಾಟ

ಎಳೆಯ ಹೃದಯಗಳ
ಜೊತೆ ಚೆಲ್ಲಾಟ

ಮನಸಿನ ತುಮುಲಗಳ

 ಜೊತೆ
 ನಿರಂತರ  ಹೋರಾಟ

ಇದುವೇ 

ಪ್ರೀತಿ ಎಂಬ
ಮಾಯೆಯ ಹುಡುಗಾಟ